Предлог бесплатна поетска книга: „Ветена земја“ од Стефан Марковски

Насловот „Ветена земја“ звучи интересно и примамливо, а уште поинтересни се стиховите што се нижат од перото на  современиот македонски писател и поет – Стефан Марковски.

           

Песните застапени во изборот се од четири поетски книги на авторот – Хипербог, По трагата на белиот грифон, Сиво сјаат вселените и In Nomine, а некои од нив се интерпретирани на Јутјуб во изворната македонска и во англиска верзија, но и како музички адаптации.

Мелодичноста на песните е во допир со „еластичната“ стабилност на нивните стихови кои пленат со автентични неологизми и силни метафори каде се сопоставуваат потсвесното, свесното и натсвесното низ ефект на отворено претопување.

Филозофските стихови се полни лиричност и синестетска моќ преку кои се засилуваат поетските слики отсликани и во насловите: Тишината е празен лист ; Ода на слободата ; Сонозреание ; Eрос, ти ; Хипербог…

Поетската книга „Ветена земја“ се најде меѓу највисоко рангираните поетски збирки на Амазон, каде беше објавена во 2019 година и го достигна 12. место, во друштво на поетски класици. Англиската верзија е достапна и на повеќе е-платформи ширум светот, како Amazon, Barnes and Noble, Booktopia, Kobo, Mondadori, Adlibris итн.       

Во прилог е македонската верзија на книгата „Ветена земја“ која може да ја симнете и читате бесплатно.